Ставленническая грамота иеромонаха Назария (Конюхова)

Увеличить
БОЖИЕЮ МИЛОСТИЮ
Смиренный Сергий (Дружинин) Епископ Нарвский

По благодати, дару и власти Всесвятаго и Живоначальнаго Духа, данней нам от Самаго Великаго Архиерея, Господа нашего Иисуса Христа, чрез святыя и священныя Его апостолы, и их наместники и преемники, благоговейнаго сего мужа, Иеродиакона Назария, всяким первее опасным истязанием прилежно испытавши и достоверными свидетельствы, наипаче духовнаго его отца, Вр. и об. Настоятеля Кафедр. Собора Воскресения "на Крови" Протоиер. Александра Советова, о нем уверившеся, судихом достойна быти святаго сана пресвитерскаго. По обычаю же и чину Святыя Апостольския Восточныя Церкве, и по нашему благословению, содействующу томужде Животворящему и Всесовершающему Святому Духу, рукоположен Преосвященнейшим Сергием, Епископом Нарвским, во иеромонахи ко храму <...>

И он, иеромонах Назарий да имеет власть, тайнами святыми совершати человека в жизнь христианскую, духовную: крещати, миропомазывати, исповедывати, литургисати, венчати по воле и согласию мужа и жены, и елеопомазание над болящими совершати, над здравыми же никакоже дерзати творити, и вся церковная последования и чины действовати, яко служителю Христову и строителю Таин Божиих. Подобает же ему, иерею, по нашему повелению и по своей должности, вседушно прилежати чтению Божественных Писаний, и не инако сия толковати, но якоже церковная светила, святии и богоноснии отцы наши, пастырие и учителие, великим согласием истолковали; и по завещанию апостольскому, быти трезвену, целомудру, благоговейну, честну, страннолюбиву, учительну, не пиянице, не бийце, не сварливу, не мшелоимцу; но кротку, не завистливу, не сребролюбцу, свой дом добре правящу, чада имущу в послушании со всякою чистотою; скверных и бабьих, якоже тойже апостол к Тимофею пишет, басней отрицатися, обучати же себе ко благочестию, образ быти верным словом, житием, любовию, духом, верою, чистотою; паче же ввереныя ему люди учити благоверию, заповедем Божиим и всем христианским добродетелем по вся дни, изряднее же в день недельный, якоже повелевает Шестаго Вселенскаго Собора правило девятнадесятое, и исповедавших ему своя совести вязати и решити благоразсудно, по Правилом Святых Апостол, и учению богоносных отец, по уставу же Святыя Восточныя Церкви, и по нашему наставлению и повелению; вящшыя же и неудоборазсудныя вины приносити и предлагати нам. От храма же, к немуже благословен есть, и у негоже служити определен, инамо без нашего благословения прейти никакоже дерзати, по третиему правилу Собора Антиохийскаго.

Аще же он, иерей, начнет жити безстрашно, или что неприлично священству деяти: упиватися или кощунствовати, и корысти себе безчинствовати, или о церкви и о пастве своей нерадети, запрещение иерейства да приимет, дондеже исправится, и покажет житие незазорное и благочинное, иереем подобающее. Аще же что содеет: обаче сего по нем не хощем и не желаем, но паче тщатися ему всегда достойно ходити звания своего, и врученную себе паству пасти добре, да мудрых и верных служителей мздовоздаяние от руки воздающаго комуждо по делом его восприимет, и не постыдится в день страшнаго испытания Владычня, но да речет: «Господи, се аз и дети моя!» Да услышит же и сладкий оный глас, глаголющий: «Добрый рабе, благий и верный, над малым был еси верен, над многими тя поставлю; вниди в радость Господа твоего». И того ради вручили ему и обыкновенное о том поучение наше, еже должен он изучити, и в памяти всегда имети, да удобее возможет и жительству своему внимати, и паству свою поучати.

Известнаго же ради свидетельства яко он, <...> на степень иеромонашества рукоположен и нами благословен, дадеся сия наша архиерейская грамата, рукою нашею подписанная, и печатию нашею утвержденная.

Печать: Епископ Сергий Нарвский

Лета воплощения Божия Слова 1930 месяца июня в 23 день.

Печать Вл.Сергия

Конюхов Нестор Стефанович, иеромонах. В мантии Назарий, в схиме Никодим. Род. в 1890 в с.Луговка Б.-Писаревского у. Харьковской губ. Монах Голосиевской пустыни. После закрытия обители в 1926 поселился на родине в Сумской обл. Бывал на молитвенных собраниях, которые проходили на дому Демчиковой. Обслуживал катакомбные общины в Сумской, Харьковской и др. областях. Арестован в с.Луговка 17 января 1931 за ордером 13 от 16.01.1931 сотрудниками секретного отдела Харьковского оперсектора ГПУ УССР по делу Харьковского филиала ИПЦ. Постановлением Особого заседания при коллегии ОГПУ СССР от 14.12.1931 приговорён по ст.ст. 58-10 и 11 УК РСФСР к 3 годам ИТЛ. Неоднократно арестовывался и отбывал сроки заключения. Служил по ночам. Одно время был связан с Антонием Голынским, который постриг его в схиму. Скончался 13.02.1975 в возрасте ок. 85 лет.

Иеромонах Назарий (Конюхов)УвеличитьУвеличить
Содержание
Используются технологии uCoz